بو بیتگی نین بیر نوعلاری واردیر کی گولداندا اکیلیر و بیر نوع آماریلیس ده واردیر کی یئرده اکیلیر و گوللری کیچیک دیر. ایستی اؤلکه لرین گوللریندندیر و سوغانی واردیر. هر سوغانین اوستوندن جوجه رن قولدان گول عمله گلیر. گوللری شیپور شکیلینده دیر. گول وئره ن قولو آلتمیش سانتیمئتیره دک قالخیر. گوللرین رنگی آغ، توخ قیرمیزی و آچیق قیرمیزی دیر.
اگر آماریلیس یا نسرین گولونون سوغانلارین پاییزدا بیر سَرین گول ائوینده قارانلیقدا ساخلایاق، سونرا «دی» آییندا اونلاری آییریب گولدان لارا گئچه ک بیر آز زماندان سونرا گولدانلاری ( بهمن آیی نین اول لرینده ) ایستی گول ائوینه آپاراق ، بئله لیکله بئش هفته دن سگگیز هفته یه دک دن سونرا ( بایراما یاخین ) گوله دولار.
نسرین گولونون متوسط ایشیقا نیازی واردیر . گوللری آچیب ، گولدن دوشندن سونرا یارپاقلاری یئکه لیب گون آلتیندا یئنی سوغان دوزه لتمه گه باشلاییرلار.
ایستی سئوه ن دیر و شئهلی یئرده یاخشی بیتیر. اول اکیلنده سویا نیازی واردیر و گره کدیر دوزگون سوواریلسین و سونرادا گولدانین تورپاغی قورودوقجا سو وئریلسین. سوغان یوخلاماغا دوشنده گره کدیر سویو کسیلسین و ایکی اوچ آی سو وئریلمه سین تا گول هوسی ایچینده دیریلمه گه باشلاسین.بو گولون تورپاغی گره کدیر یونگول و آزجا تورش ( اسیدی ) اولسون . آنجاق بو گول اوچون یاخشی تورپاق قاریشیغی بئله دیر:
بیر اؤلچو باغچا تورپاغی،بیر اؤلچو یارپاق تورپاغی و بیر اؤلچو چوروموش پئهن .
بو گولدانین تورپاغینا « سوپر فسفات » کودو آرتیرماق اونو گوجلندیره ر .
بو گولون چوخالتماق یولو توخوم ایله و سوغانلاری آییرماقلا اؤز وئریر.
آمما معمول یولو سوغانچا لاری آنا سوغاندان قوپاریب اکمه کدیر ، او سوغان لار گوله گئدیرلر کی دوره سی ، آزی ییرمی سانت اولسون . اون بئش درجه دن آشاغی ایستی بو سوغان اوچون زیان دیر.
سوغانی گؤتوروب ساخلاماق یولو بئله دیر:
آبان آییندا ، هاوا سویوقلاشاندان سونرا، سوغانلارین یوخویا گئتمه گی باشلاییر و یارپاقلاری اؤلوشگه ییر. بو چاغدا یارپاقلارین کسه رلر ، سوغانلاری تورپاقدان چیخاردارلار و آزجا سویوق یئرده ( اون اوچ درجه ده ) ساخلایارلار.
About Author
پست های مرتبط
عرفانی دویغو
بایاتی
ادب ساحه سینده