عزیزیم سو دایاندی
اود ياندي، سودا ياندي
درديمي سويا دئديم،
اود دوتدو، اودا ياندي
***
عزیزیم دوشن یئری
آتلانيب، دوشن يئري
گؤز ياشيم اودا دؤنوب
يانديرار دوشن يئري
***
آلتيمدا كيليم ياندي
اود دوشدو، كيليم ياندي
بالا، بالا دئمكدهن
آغيزيمدا ديليم ياندي
***
اوزهرليك دانا ـ دانا
اوجاغدان گؤتورسانا
بد نظرین گؤروم کی
گؤزلري اوددا يانا
***
كؤينهيين گولو يانسين
اود دوتسون، گولو يانسين
سني مندهن ائدهنين
آغزيندا ديلي يانسين
***
اوجاغين اودو كئچدي
يئل ووردو، اودو كئچدي
نه باخيرسان آي اوغلان
سئوگيلين بودو كئچدي
***
گؤیلر بولودلو قالدی
قوشلار اومودلی قالدی
آچاری یار بوینوندا
کؤنلوم کیلیدلی قالدی
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد