سیندیردی مئیین بارداغینی،مئی اله دۆشمه ز
بیر دامجی دادیزدیردی کی هئی- هئی اله دۆشمه ز
دَردینده دَرین سینه میزی، درده جر ائتمیش
باشدان آیاغا ائتدی بیزی، کئی، اله دۆشمه ز!
سیزلار گئجه – گۆندوز، اۆره یین سیزلاماسیندان
درمان ائله سن آیریلیغا، نئی اله دۆشمه ز
گیزلَتمه اۆره ک یانقیسینی ، یار باخیشیندان
یاردان یئتیشه ن ، گوُز یارالار ، تئی اله دۆشمه ز
بیر گۆن که سیله ر ، نئیلی بوْغازلار سه سی ، گلمه ز
داردان آسیلی، یار قاپیدا، ائی اله دۆشمه ز
بیر عیشوه ساتان ، نازلی نیگارین دوکانیندا
جان بوْرجونو، بیر گۆن وئره لی، بئی اله دۆشمه ز
سیندیردی مئیین بارداغینی،مئی اله دۆشمز
بیر دامجی دادیزدیردی کی هئی هئی اله دۆشمز
دردینده درین سینه میزی درده جرائتمیش
باشدان آیاغا ائتدی بیزی، کئی اله دۆشمز
سیزلار گئجه گۆندوز، اۆره یین سیزلاما سیندان
درمان ائله سن آیریلیغا، نئی اله دۆشمز
گیزلتمه اۆره ک یانقی سینی یار باخیشیندان
یاردان یئتیشن گوُز یارالار،تئی اله دۆشمز
بیر گۆن که سیلر، نئیلی بوْغازلار سه سی گلمز
داردان آسیلی، یار قاپی دا، ائی اله دۆشمز
بیر عیشوه ساتان نازلی نیگارین تۆکانیندا
جان بوْرجونو، بیر گۆن وئره لی، بئی اله دۆشمز
نعمتدی یاشیل باغچادا، بۆلبول دیله گلسین
بیل قدرینی، چوْخ واخت ایکی زاد، یئی اله دۆشمه ز!
بیر «یار» سؤزو یازماق دا «الیف» اوْرتا دایاق دیر
باخسان «رئ» دایانمیش الیفه، «یئی» اله دۆشمز!
چیخجاق یوْلا، تئز چیخما یوْلوندان ، گۆنش اۆزلوم
آی سیغماسا اولدوز گؤزونه، زئی اله دۆشمز!
گل ییخما کؤنول وارلیغینی، سئوگییه جاندیر
عئشقین ائوی ویران قالالی، پئی اله دۆشمز
اوْل «لا» سؤزو، مجنون اۆره یین ده لدی دلیلسیز
چوْخدور ده لی، لئیلا دئیه لی، لئی اله دۆشمز!
“ائلمان” یازیلان بیر قه زه لین بَحرینه دۆشموش
بیر کیمسه یئتیشمه ز دادینا، هئی اله دۆشمز!
About Author
پست های مرتبط
عرفانی دویغو
بایاتی
ادب ساحه سینده