یولوما گوُز تیکه نیم یوخ ،
یولومو گوزله یه نیم یوخ !
نه دیر .. نه دیر:
بو عاله م ؟
بو سئوگی ؟
بو دوُنیا؟!
نئجه منسیز ائده ر آخشام، سحرینی؟.
نئجه گوُل بولبوله وئرمه ز قولاغین ؟
نئجه –
قوش قول – قانادین یومسا ،دای آچماز ؟
نه قیزیلدان قفس آلماق؟!
نه قانادسیز، هاوالانماق؟!
نه دئمکدیر-
بئله عاله م؟
سئوگیسیز ،سئوداسیز…
نه دیر بو گوُی-
آبی بولودسوز ؟.
نه دیربولود –
یاغمورو یوخ ،یاغیشی یوخ…
آبی گوُی،
آیسیز ، گوُنشسیز؟!
بو نجور؟
بو یولون صونو یوخدور..
نه طه حَردیر::
بو گونه شین حراره تی ، ایستیسی ،
شوعاع سی یوخدور..
اولدوزوسوزدور گئجه لر
بوعولوبدور ظولمتده..
سه حریم گوُنشسیز آچیلماز ،
گئجه م آیسیز ، قارا باطاق!
یئللراسه ر،
وَریانی سو گوُتوره ر..
داملاراوچار،
باغچامی سو داغیدار..
گوُز یاشیم ،
روحومو بوغماق ایسته یَر،
قار دوشه ر ،
دام سیز اوتاقلار ،
جانسیز اوجاقلار –
بوزلایار!
ائویمه قیش قاری گلدی ،
آغاجلار دویدولار یازین سه سینی..
دامیمیز سیندی ، داغیلدی،
اوجاغیم سوُندو ،پوزولدو..
یاشاییش سینیخدی ،صولدو ،
باغیمیز .. باهار…
گئجه .. آی ایشیغی
آغیزیمین دادی …
About Author
پست های مرتبط
عرفانی دویغو
بایاتی
ادب ساحه سینده