اوروجلوق آیی – آلله قوناقلیغی

اوروج دوتان آدام
نه ائتمه لی دیــر؟

اوروج آداما ، اوروج دوتماقدان اصلی هدف اوروجون جیسمی فایدالاری دئییل آمما دئییلیبدیر کی اوروج دوتمانین معنوی فایدالاریندان علاوه جیسمی فایدالاری دا واردیر.
آنجاق اوروج اولان کس گره کدیر بوتون یئییب یئمه مه کلری گؤزله یه و بیله کی هانسی یئمه لی اونا فایدادیر و هانسی یئمه لی اونا زیان دیر.
اروج دوتان آدام اگر افطاردا و اوباشدان چاغیندا چوخ یئمه کدن اوزاق اولا ، اروجلوق قورتولاندان سونرا بدنی نین یونگول لشمه سی جیسمی نین ساغ قالماسینا یاردیملیق ائده ر . اوروج آدام گره ک او قده رده یئمه یه کی اوروجلوق قورتولاندان سونرا گؤره بیر عالم کؤکه لیبدیر.
افطار اوچون تاپیشیرمالار:
– بدنین چوخ گوجو اوباشدان یئمه کله دوزه لمه لیدیر. پس افطاری یونگول یئیین قارنیز آغیرلاشماسین.
– افطار یئییمی گره کدیر یونگول و تئز هضم اولان اولسون مثال اوچون: ساری شیله، بیر آزجا سوت ، خورما، رنگی آز چای .
– یاخشیدیر آدام شیرین چای و خورما ایله اوروجون آچسین و چوخ سو ایچمه کدن اوزاق اولسون ، نییه کی معده آغریسی یارادار.
– افطار چاغی چوخ سولو ایچمه یین ، چون کی معده نین هضمین آزالدار. آمما افطاردان سونرا سو ایچمه ک فایدادیر.
– افطار چاغی و اوباشدان چاغی یاغلی یئییم دن اوزاق اولون!
اوباشدان اوچون تاپیشیرمالار:
– یادیزدان چیخماسین کی اوباشدان چاغی چوخ یئمه ک آدامی آجلیقدان ساخلاماز کی هئچ بلکه ده گونون اوّل چاغلاریندا معده یه فیشار گتیریب و آغری یارادار.
– چالیشین اروجلوق آییندا گئجه لر تئز یاتین تا اوباشدان دا ( بیر ساعات یاریم اذان دان قاباق ) دورون ! بوجورلوکله غذانین معده ده ییغیشیب قالماغی نین قاباغین آلارسیز و یئمه لی یاخشی ارییه ر.
– اوباشدان سیز اوروج دوتماق اشتباه بیر ایشدیر و چوخ اوزانسا بدنی اینجاردان سالار.
– اوباشداندا ، یومورتا ، حبوبات ، لبنیات و ات کیمی پروتئینلی یئییم لردن فایدالانین و چوخ سو ایچمه ک یئرینه سولو میوه مئیل ائدین.
– اوباشدان دا بیر لیوان بال شربتی یا بیر لیوان میوه سویو فایدادیر.
– یئییم دوزلو اولماسین. چون دوزلو اولاندا گوندوز سوسوزلوق آمان وئرمه ز .
– ائلییه بیلسه ز اوباشدان دان سونرا داها یاتمایین . چون اوزانماق ، معده نین تورشالماسینا سبب اولار.
قایناق: اینترنت – سایت آوینی /
چئویره ن: الف . عظیمی بیلوردی

About Author

saghi

See author's posts