اوشاق دویغوسو

یاردیم

حيطــــــــده باغچاميزدا
بير قوش واريدي،خيردا !
من اونو ايسته ييرديم
كؤنلومده بسله ييرديم
بير گون قارا بير پيشيك
آچـدي چپردن دئشيك
گيــــردي بيزيم حيه طه
آياق قـــــويدو سبه ته
قالخدي آغاجا چيــخا
سئرچه نين ائوين ييخا
سئرچه جوك جوك ائيله دي
منـدن يارديـــــــــم ايسته دي
من تئز ايشه باشــلاديم
كور پيشييي داشـلاديم
پيشيك گؤردو ايش ياشدي
دوواردان آشدي قاشــــدي
بونــونلا بيز شـــــاد اولدوق
قورخودان آزاد اولـــــدوق
ارسطو مجردی

About Author

saghi

See author's posts