اوشاق دویغوسو

باهـار

باشيــــــــم‌ اوسته‌ گونشين‌
ساچاق‌ – ساچاق‌ تئل‌لري‌،
نفسيمدن‌ گئده‌ جك‌
قاريــن‌، بوزون‌ اثري‌.
آياغيــــم‌ آلتدا چيمن‌
اَتگيمده‌ گول‌ – چيچك‌،
قارانقوشلار قاييــــــــدير
ائـــل‌لر اولور سئوينجك‌.
ياغيش‌ ياغير، گون‌ چيخير
تاغ‌ قورور گؤي‌ قورشاغي‌،
ســــئل‌لر، سولار شاريلدير
دره‌لــــــردن‌ آشـــــــاغي‌.
كاروان‌ – كاروان‌ آغ‌ بولوت‌
ماوي‌ گؤيده‌ دوزولـور،
ديمديگيندن‌ قوشلارين‌
بال‌ نغـــمه‌لر سوزولور.
چيچــكلرين‌ عطريندن‌
فرحله‌ نيــــب‌ بير آندا،
تازا پالتار گئييــــرلر
طبيعت‌ ده‌، انسان‌ دا.
فروردين‌، ارديبهشت‌،
خرداد منيم‌ اوچ‌ آييم‌.
باهارام‌ من‌، باهـــارام‌،
گوزه‌ل‌ ليكده‌ يوخ‌ تاييم‌.
حبیب فرشباف

About Author