بایاتی

بـاغـچـالاردا ساز اولار
گول آچیلار یاز اولار
من سنه گول دئمه رم
گولون عؤمرو آز اولار
***
سـمــاوریـن پـیـشـلری
گؤیده اوینار قیشلاری
اوغلان قیزین دردیندن
ایـتـیـریـب جـامـیـشـلاری
***
باشدان منم باشدان من
دادارام هر آشدان من
نه آنام وار نه آتام
یارانمیشام داشدان من
***
شـیـروانا پوسته گلدی
بیر بؤیوک بسته گلدی
وئران قالسین شیروانئ
ساغ گئده ن خسته گلدی
***
آپاردی چـایـلار مـنـی
هـفـتـه لر آیلار منی
یوکوم قورقوشوم یوکی
یؤردو بو تایلار منی
***
قـوی منی یئل گؤتورسین
ائل یوسون ائل گؤتورسین
قارداش قبریمی قازسین
چینینده ائل گؤتورسین
***
بوردان بیر آتلی گئچدی
نالین پارلاتدی گئچدی
هر که سه سالام وئردیم
منی آغلاتدی گئچدی
***
بیر آت میندیم باشی یوخ
بیرچای گئچدیم داشی یوخ
بوردا بیر غریب اؤلوب
قوهومی قارداشی یوخ
***
الـیـمـده چـیـنـی کـاسـا
گـیـردیـم بـاغـا گـیـلاسا
من گئتمه زدیم گیلاسا
یار گه له قولاق آسا
***
بوستان دولو گول به سر
یئر اوستونده یئل اسه ر
من سئوسه م او سئومه سه
گؤره نده دوداق بوزه ر
***
دونیا وفا سیز اولدی
دردیم شفا سیز اولدی
کـیـمـه دئییم دردیمی
بوتون داوا سیز اولدی

About Author

saghi

See author's posts