بایاتی

عـزیزیم آرا بیر گون
گؤر منی آرا بیر گون
نیسگیل باغریمی یارار
پـوزولـسـا آرا بیرگون
***
عزیزیم گؤزده یئرین
اوره کده گؤزده یئرین
گؤز آلتی بیرده باخسان
سالارام گؤزده یئرین
***
سرین بولاق گوُر بولاق
گئدمه دایان دور بولاق
سنده کیملر یووونوب؟
اولوبسان بولور بولاق
***
آغ بولاق قارا بولاق
گئدیرسن هارا بولاق؟
یولون سال بیزیم ائله
سلام وئر یارا بولاق
***
گونو گونه جالادیق
غم اوسته غم قالادیق
دونـیـانـیـن چاناغیندان
یـالـنـیز زهر یالادیق
***
داغ آشدیم دوزه دوشدوم
اللی دن یوزه دوشدوم
بیرجوت شاماما گؤردوم
درمه دیم اوزه دوشدوم
***
ساقـی گـتـیر چاناغین
قوی گؤزومه آیاغین
ال ساخـلاما آماندیــر
سؤندور غمین چیراغین

About Author

saghi

See author's posts