بایاتی

آشيغام درنده گول
گؤزه له وئرنده گول
مردي گؤرنده آغلا
نامردي گؤرنده گول
***
عـزيـزيـنـم بـوشـقـابـا
حئيواني دوز بوشقابا
يوخسولو كيم يوخلايار
قاشيق دَيمز بوش قابا
***
من آشيغام گوله نه
بولبوله نه، گوله نه
دئسين‌لر غمي يوخدو
قـوشـولـمـوشـام گولنه
***
عـزيـزيـم او باهاردا
او يايدا، او باهاردا
ائل كوچدو دالي قالديم
بيلميرم اوبا هاردا
***
من آشيغام قورونا
قوروق اولوب قورونا
نامرد بير اود يانديردي
من بوروندوم قورونا
***
من آشيق قار، قالانيب
قار ياغيب، قار، قالانيب
نه اولوب بو داغلارا
كـهـلـيك‌لر قارقالانيب

About Author

saghi

See author's posts