امام علی(ع) حضرتلری جمل دؤیوشو قورتولاندان سونرا بصره شهرینه وارد اولدو. او چاغلارداکی بصره ده قالیردی ، بیر گون « علاء بن زیاد حارثی » آدیندا یاردیملاری نین بیری نین گؤروشونه گئتدی . او کیشی نینبیر گئنیشلیک و بزه کلی ائوی واریدی.
امام(ع) او ائوی گؤرجک ، اونا بویوردو: بو ائو بو گئنیشلیکده دونیادا سنین نه دردینه ده یه ر، بیر حالدا کی گئنیشلیک یئره آخیرت گونو بو گوندن چوخ نیـاز واردیر؟!آمما اگر ایسته سن بو گئنیشلیک ائوی ، او دونیـاداگئنیشلیگه چاتماق اوچون وسیله ائده سن. بئله لیکله سن ائلییه بیلرسن بو ائوده قوناقلیق ائده سن ، صله رحم ائده سن، بو ائوده مسلمانلارین حق و حقوقونا یئتیشه سن، بو ائوده بیری نین حقّین آلیب وئرمه گه چالیشاسان و حقّی باتانین حقّین دیریلده سن و آنجاق ، اؤزون اوچون و یالنیز اؤزونه گؤره ایشلتمه یـه سن.
علاء: ای مؤمین لر امیری! من قارداشیم عاصم دن سنین یانینا شیکایت گتیرمیشه م.
امام(ع): نه شیکایتی؟
علاء: دونیانی بوشلاییبدیر، بیر اسکی پالتار گئییبدیر، بور بوجاقدا اوتورور و هرزادی بوراخیبدیر هامیدان اوزاق قالیر.امام(ع): اونو منیم یانیما گتیرین!«عاصم»ی چاغیریب گتیردیلر. امام علی (ع) اونا ساری باخیب بویوردو:
ای اؤز جانینا دوشمان اولان! شیطان سنین عقلیوی اوغورلاییبدیر. نییه آرواد اوشاغیوا یازیقلیغین گلمه ییر؟! آیا دئییرسن بس تانری پاکیزه نعمتلری بو دونیـادا یارادیب حلال ائتمه کدن ناراضی دیر؟! آیا سن دئییرسن بس دونیانین نعمتلریندن اوزاق گزمه گین سنی تانری یانیندا خوش ائده ر؟! سن تانری یانیندا بیر آزدا ده یه ردن دوشورسن!
عاصم: ای مؤمین لـر امیری! سن اؤزون ده کی منه تای سان! سن ده اؤزیوه چتینلیک وئریرسن و یاشاییشی اؤزیوه چتین دوتورسان! سن ده ائله یوموشاق پالتار گئیمه ییرسن و دادلی خوره ک یئمه ییرسن ! دئمه ک اولار من سن گؤره ن ایشلری گؤرورم و سن گئدن یولو گئدیرم.
امام(ع): کاریخیبسان، منیم سنیله فَرقیم واردیــر. منیم بوینومدا تکلیف واردیر سنین یوخدور. من حؤکمدارلیق و اماملیق پالتاریندایام سن بئله دئییلسن، حؤکمدارلیق و رهبرلیک باشقا وظیفه دیــر. تانری عادل رهبرلره تکلیف ائدیبدیر کی ائلین لاپ ضعیف آدامی نین یاشاییشین اؤزونه اؤلچو ائتسین و لاپ یوخسوللار کیمی یاشاسین، تا یوخسوللوغون چتینلیکلری او طبقه لره کار سالماسین . آنجاق منیم بیر وظیفه واریمدیر. سنین بیر وظیفه ن!
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد