زرشک

زرشک دن و اونون سویوندان فایدالانماق اسکی زامانلاردان خالق ایچینده واردیر و دوکتورلرین تاپیشیریقلاری اساسیندا ایندی ده بو یئمه لی دن بهره سیز قالماییرلار.
دئمه ک اولار هر هاچان زرشک سویوندان سؤز آچیلیر، آدامین ذهنیندن زرشک شوشه لری ساوشیر کی اوستونده « زرشک سویو » یازیلیبدیر.
آمما بیر آز درین باخساق گؤره ریک ائشیکده ساتیلانلار هئچده طبیعی دئییل و اوندا بدنه زیان یئتیره ن ایسانس و ساخلایان موادلاردان فایدالانیبدیرلار.
آنجاق آرخایین اولماقدان اؤتور گره کدیر کی زرشک تکی میوه نین سویون ، آدام اؤزو چه کیب اوندان فایدالانا.
آییق اولون کی خاص بیر زرشک دن سو چه که رلر کی او « قیریمیزی زرشک » طایفاسیندان دیر و اونا « پلو زرشکی » دییه رلر.
بو نوع زرشک او بیریسی لره گؤره آزجا یئکه دیر و رنگی توخ گیلاناری و ایچینده ده نه سی واردیر. بو نوع زرشک « قارا زرشک » آدلانیر.
قارا زرشک – ین هم تازاسی و هم قوروسو چوخ عطّارلاردا واردیر و ایلین هر چاغیندا آلیب فایدالانماق اولار.
زرشک میوه سی و اونون سویونون ده یه رلی فایدالاری بونلاردان عبارتدیر:
– بدنین داوامین چوخالدار.
– لازیم اولان قده ر اوندا ویتامین ث واردیر کی بدن اوچون فایدادیر.
– قانی دورولدار.
– قانین فیشارین جوره سالار.
– قانین یاغین آزالدار.
– « اوره » نی آزالدار.
– جییه ر و بؤیره گی یویوب پاکلار.
– جییه رین و ده ری نین لاپ یاخین یولداشی دیر.
– آدامین اوزونون ده ری سین ایشیقلاندیرار.
– آغیزین آفتین درمان ائتمه گه لاپ یاخشیدیر.
– اوزون و بدنین چؤیزه سین توختالتماقدا فایدادیر.
– قارین باغارساق اوچون یاخشیدیر و قارینی کیچیلده ر.
– صفرا کیسه سی نین داشین آرادان آپارماقدا یاردیمدیر.
– سوسوزلوغو آرادان آپاریر. او کس لره کی لاپ چوخ سوسوزلاییرلار فایدادیر.
– لاپ یاخشیسی بودور کی هر گون ناشتا ، گون چیخمامیشدان قاباق بیر لیوان و گئجه یاتمامیشدان قاباق بیر لیوان زرشک سویوندا مئیل ائده سیز.
– آییق اولون: قورو اؤسگوره گی اولانلارا زیاندیر.
زرشک سویونون جورله مه سی بئله دیر:
ایکی یوز اَللی گیره م قره زرشکی سویوق سودا یویوب آریدان دان سونرا بیر ده میر اولمایان قاب دا ، یئددی لیوان سو ایله ایسلاداریق.
ییرمی دؤرد ساعاتدان سونرا اونو قاتانین ( مخلوط کُن – ین ) ایچینه تؤکوب ازیشدیره ریک.
سونرا پارچادان گئچیردیب ، سوزوب ، شوشه قابلارا تؤکوب ، قابین آغزین باغلاییب یخچالا قویاریق و ایسته دیکجه لازیم اولان قده ری گؤتوروب ایچه ریک.

About Author

saghi

See author's posts