سیگار

سیز آللاه دئمه یین سیگاری ترک ائت
جانیمدان دا کئچسم سیگاردان کئچمم
آجیمدان سوسوزدان دؤزه رم آمــما
بیر لحظه سیگارین آتیندان دوشــمم!
***
آتادان، آنادان، آرواد- اوشــــاقدان
منه چوخ شیرین دیر بیر نفس سیگار
دالبادال یاندیریب قویماســـان سؤنه
یوز مین دردین اولسا وورار داغیدار!
***
همـــــــی والیوم دور هم ضدّ سکته
هم ده اعصـــــــابین نازلی یاری دیر
جانیم اولسون قوربان آغ توستوسونه
کؤنلومون بولبـــــــولو نوباهاری دیر
***
گونده آلـــــــتی مئتیر سیگار چکیرم
گئجه یوخودادا سیگار گــــــؤرورم
نئیلیم من ده اونا عاشق اولمــــــوشام
اوزاقـــــــــــدان آدینا سلام وئریرم
***
ائله توو وئــــــــــریرم ائله سورورام
آز قالیر بیر دفعه نفســـــــــــــیم باتا
قارنــــــیم، باغیرساغیم ،اثنی عشریم
قاوزانیــــــــــر آز قالیر آغزیما چاتا!
***
اوچ گون ترکیتمیشدیم ووردوم آروادین
باشین دان داش ایله، اوزانــدی یئره
اوشاقلار چیغیردی: وای ننه م اؤلدو!
قونشولار آپاردی اونو دکـــــــــتره
***
سیگارسیز قالاندا عـــــلی یولداشیم
بیـــــــــر دنه زر سیگار تئز منه آلیر
بئینــیم نشئه سین دن بیلمیر نئیله سین
گـــــاه بالابان چالیر گاه زیرنا چالیر
***
میغ-میـــغا عقیرب بیت-بیره، ایلان
هانسی منی چالسا اوزو جان وئره ر
بیلمــــــیره م قانیمدا نه خاصیت وار
چوخ آز بختورلر بــــئله قان گؤرر
***
بیرگون بیر قیرمزی افعی بیــر ایلان
آیاقلاریم دوندو قیچیمـــی چالدی
فیرلاندی باشینا هئی چابـــــــالادی
منی چالدی اوزو دالی اوسته قالدی
***
سیگار دستور وئریر ایلده ایکی یول
نقاشــــــــلار آغاردیر اوتاقلاریمی
ائوده نه گول بیتیر نه گولدان قالیـــر
آرواد هئی چکیری قولاقلاریمـــی!
***
ائله بیل سلقه لی خینا قویمــــوشام
دیلیمه دیشیمه دوداقلاریـــــــــما
بورنومون توکونه بیغ-ساققالیمــــا
کیپـــــریک قاشلاریما یاناقلاریما
***
او کیمدیر کی دئییر ترک ائتمک اولماز
مگر سیگار چکن سیگارسیز دؤزر
غیرت دامـــــاریندا ذرّه قان اولسا
جوانمــــــــرد اراده پولادی ازر…

About Author

saghi

See author's posts