فضیلت قایناغی

احمد بن عبیدالله بن خاقان قم شهری نین یئرلری نین خراج ائدنی و صاحابی ایدیر.
بیر گون اونون دانیشیق یئرینده ، علوی لر و اونلارین ایناملاریندان سؤز آچیلدی. او کی اؤزو چتین دوتان ناصبی لردن ایدیر، سؤز آراسیندا دئدی: من سامرا دا علوی لرین ایچینده و اؤز یاخینلاریمدا و بنی هاشم طایفاسیندا، « حسن بن علی بن محمد بن علی الرضا (ع) » کیمی وقارلی ، پاک، فضیلتلی و بؤیوک اینسان گؤرمه میشم و تانیماییرام.
ائو آداملاری اونو کیچیک – بؤیوک ایچینده قاباق بیله ردیلر و قوشون ایچینده و ائل ایچینده باشچی ایدیر. یادیمدادیر کی بیر گون آتامین یانیندایدیم، قاپیچی لار خبر گتیردیلر : ابو محمد بن الرضا(ع) گلیبدیر.
آتام اوجا سس ایله دئدی: قویون گلسین، من بو سببدن کی قاپیچی لار آتامین یانیندا اونا باش أیدیلر تعجّب ائتدیم.
چون آتامین یانیندا خلیفه یا ولیعهد دن باشقا بیر کیمسه یه احترام اوچون باش أیمه زدیلر .
آنجاق ائله کی بوغدا صوراتلی ، خوش قامت، اوزو گوله ر ، جاوان ، هئیبتلی و سئویملی بیر کیشی ایچه ری گلدی، آتامین گؤزو اونا ساتاشجاق ، آیاغا قالخیب، اونون قاباغینا گئتدی.
ایندی یه دک گؤرمه میشدیم کی آتام بنی هاشم طایفاسیندا کی لارا بئله احترام ائتسین.
قوللارین اونون بوینونا سالیب اوزوندن اؤپدی . و الیندن یاپیشیب ناماز قیلدیغی یئرده اوتورتدو. و اؤزوده اونیله اوز اوزه اوتوروب دانیشدی.
دانیشدیقجا امام « سنه فدا لولوم » دئییردی.

About Author

saghi

See author's posts