قیزیل گول ایران اؤلکه سینده اوجا و قورو یئرلرده اکیله ر ( ایکی یا اوچ مین مئتیر ده نیز اوزوندن یوخاری سطح ده ) و اصفهان (کاشان) ، کرمان، کرمانشاه، فارس و شرقی آذربایجان کیمی یئرلرده بئله بیر بیتگینی اکیب چوخالدارلار.
بیر لئتیر قیزیل گول اسانسین یاراتماق اوچون دؤرد تون گول قانادی لازیمدیر ، اونا گؤره چوخ ده یه رلی دیر.
بیزیم اؤلکه لرده قیزیل گولون قانادلاریندان شربت، موراببا و گولاب جورله ییب اوندان فایدالانارلار.
آنجاق بو یئمه لی نین ده یه رلی فایدالاری بونلاردان عبارتدیر:
-تازا قونچالاری و چیچه ک قانادلاری گوج وئره ن و شادلیق یارادان دیر.
بلغمی دورولدار و صفرانین آغری سین آلار.
-اونون ضمادی : وه جئح ، چووزه ، قابار ، قانا دوشمه ک ، زیگیل ، ده ری و سینیق کیمی ناخوشلوقلارین توختاماغینا یاردیمدیر.
-قیزیل گول سویون آغیزدا قرقره ائتمه ک آغیزین و لثه نین یاراسی نین توختاماسینا فایدادیر.
-قورو قیزیل گولون عُصاره سی ، سینه نین قاناماغینا فایدادیر ، معده نین سویون آلار ، « یبوست » ناخوشلوغون آرادان آپارار ، داریخمانی آزالدار، اوره گین ضعفین آرادان آپارار.
-معده و باغارسیق یارالاری نین آغری سین آلار و قارین سانجی سین توختالدار.
-بو گولون گولابی ، اوره گی گوجلندیره ر و معده نین آغزین داواملادار.
-بو یئمه لی زوکام اوچون، سینه نین قانی نین کَسیلمه گی اوچون فایدادیر.
-سه سین بؤیورمه گی نین قاباغین الار.
-اؤسکوره یین فایداسی دئیر.
-قارا جییه ر و دالاق اوچون فایدادیر.
-بو گولو اییله مه ک ، باش آغریسینا فایدادیر، بورونو گوجلندیره ر ، شن لیک گتیره ر ، هوشسوزلوغو آرادان آپارا و روحو دیریلده ر.
-قیزیل گول شربتی « یبوست » ناخوشلوغو اوچون فایدادیر.
آزجا چوخ فایدالانماق اسهال یارادار.
-آییق اولون: بو گول دن چوخ فایدالانماق جنسی گوجو آزالدار، سوسوزلوقا آرتیرار ، توکو آغاردار ضعیف آداملاردا آسقیراق و زوکام و آماس یارالدار.
About Author
پست های مرتبط
عرفانی دویغو
بایاتی
ادب ساحه سینده