حامام حامام ايچينده
قلبير سامان ايچينده
دوه دللكليك ائـيلير
كؤهنه حامام ايچينده
***
قاريشقا شيللاق آتدي
دوهنين قـيچي باتدي
حامامچينـين تاسي يوْخ
بالتاچينـين بالتاسي يوْخ
اوْردا بيرترزي(درزي) واردي
اوْنون دا قايچيسي يوْخ
عؤمرومده چوْخ شيلاشئ يـئميشم؛
هئچ بو جور يالان گؤرمهميشم
بوتون دونيا ادبيياتـيندا اوْلدوغو كيمي تورك ادبيياتـيندا دا ناغيللار ايلك اؤرنكلردن بيري سايـيليرلار.
ادبييات ساحهسينده گئنيش بير يـئر صاحيبي اوْلموشدور.
بو آرادا اسكي زاماندان بري ناغـيل دئـيهنلر اؤز ياراديجيلـيقلاريلا ناغـيلارين باشالنـيشلارينا و قوْرتولوشونا گؤره گؤزل-گؤزل قوْشمالار و دئـيـيملر و چوْخ يـئرلرده نصيحت كيمي سؤزلر قوْشاراق ناغـيلين گؤزلليـيـينه داها دا آرتـيريب، باشقا بير سؤز خزينهسي ياراديبلار كي, آشاغـيداكي اؤرنكلري وئريريک :
باشلانـيشلار
– دوكان دوكان ايچينده, جويز گيردهكان ايچينده, دوه دللكليك ائـيلير, كؤهنه حامام ايچينده.
– حامام حامام ايچينده؛ قلبير سامان ايچينده؛ دوه دللكليك ائـيلير؛ كؤهنه حامام ايچينده؛ قاريشقا شيللاق آتدي ؛ دوهنين قـيچي باتدي ؛ حامامچينـين تاسي يوْخ؛ بالتاچينـين بالتاسي يوْخ؛ اوْردا بيرترزي(درزي) واردي, اوْنون دا قايچيسي يوْخ؛ عؤمرومده چوْخ شيلاشئ يـئميشم؛ هئچ بو جور يالان گؤرمهميشم.
– بيري وار ايدي؛ بيري يوْخ ايدي؛ گؤيون آلتـيندا؛ يـئرين اوستونده….
– بيري وار ايدي؛ بيري يوْخ ايدي؛ آللاهين بندهسي چوْخ ايدي….
– بيري وار ايدي؛ بيري يوْخ ايدي؛ آللاه وار ايدي ؛شريكي يوْخ….
– حامام حامام ايچينده؛ قلبيرسامان ايچينده؛ دوه د…. دوهنين بودو باتدي؛ ميلچهيه مينديك؛ كؤرپودن كئچديك؛ ياباينان دوْوغا ايچديك؛ شاه عاباس جنت مكان؛ ترزييه وئردي تكان، ايكي جويز بيرگيردكان.
– ناقيلان-ي آثار؛ طوطيان-ي شكر شيكن-ي شيرين گوفتار بئله دئـييرلر…..
– بادي بادي گيريفتار؛ حامام حامام ايچينده؛ قلبير سامان ايچينده؛ دوه دللكليك ائـيلهر؛ كؤهنه حامام ايچينده؛ حامامچينـين تاسي يوْخ؛ بالتاچينـين بالتاسي يوْخ؛ اوْردا بير تازي گؤردوم؛ اوْنون دا خالتاسي يوْخ؛ گونلرين بيرگونونده؛ ممد نصير تينينده؛ بيري وار ايدي بيري يوْخ، آلاهدان قاباق كيمسه يوْخ ايدي؛ چوْخلو شيلاشي يـئميشم؛ بئله يالان دئمهميشم.
– سيزه هاردان خبر وئريم؛ آز دانـيشانلاردان، قارا دينمزلردن، مرد-مرد آروادلاردان، هورمهين ايتلردن، اولامايان چاقـقالاردان، چوْخ دانـيشمايانلاردان، ائشديب عمل ائتمهينلردن، بيزوْو مينيب چاي كئچنلردن، يابا ايله دوْوغا ايچنلردن، خوْروز بئلينده بو.
ستان اكنلردن، كوْسا ساققالليلاردان زر زرگرلردن، نه بيليم نهدن، نه بيليم نهدن، لعنت قويروقلو يالانا، رحمت قوْيروقسوز دوزه، بيرگؤز پوْزانا، ايكي گؤز دؤزنه، رحمت يازانا، لعنت پوْزانا، سؤز قالسين، اينسان گئتسين، ياخشيلـيق قالسين، پيسليک گئـتسين، دوْست وار اوْلسون، آغـيللي يـئسين، آغيلسيز حسابلاسين؛ ايندي گلهك مطلبه؛ بيري وار ايدي بيري يوْخ……
– ايام-ي قديمده بيري وار ايدي بيري يوْخ…..
قورتولوشلار
– …اوْنلار يـئدي ايچدي، يـئره كئچديلر، سيز ده دؤوران کئچيرين.
– ….گؤيدن اوچ آلما دوشدو، بيري منيم، بيري سيزين، بيري ده ناغيل دئـيهنين.
– ….اوْنلار يـئدي ايچدي، قاريديلار، سيز ده يـئين ايچين، قاريـيـين.
سيز ساغ، من سلامت، سيز يوز ياشايـين، منده ايكي الي، هانسي چوْخدو سيزين، هانسيئ آزدي منده قالسين.
– ….اوْنلار يـئديلر ايچديلر، يـئره كئچديلر، ناغـيل دا اوْنلاردان قالدي.
– ….اوْنلار يـئدي ايچدي، من ده اوْردا ايديم، آش يـئديم، نه اليم باتدي، نه آغـيزيم داددي، نه ده قارنـيما يبر زاد گئـتدي، سيز ده ائلهجه يـئـيين، دوْيون.
– ….اوْنلار دا گوليستان-ي باغ-ي ايرمده كـئفي داماي چاغ گون كئچيتديلر
سيزده كئفينيز چاغ, يئرينيز باغ, اوزونوزده ساغ اولون.
پست های مرتبط
چطور نام همسر سابق را از شناسنامه حذف کنیم؟
این شما و این هم شگفتانگیزترین اولِ مهر تاریخ
یازده حقیقت هشداردهنده که اگر میترسید، نخوانید!