نغمه

بیر سئوگی نغمه سی یارادام دئیه
بو آخشام بولانیب دورولورام من
اونو دوشونرکن بیلمیرم نییه
باشقا بیر نغمه یه وورولورام من
کیچیک بیر ماهنینی بسته له یینجه
خیالیم مین ائلی دولانسین گرک
سئون بیر اوره یین سسینی نئجه
نئجه دینله مه سین سئون بیر اورک…
یئنه دیلله نیرسن قونشو اوتاقدان
«سوس!» دئمک گلمه ییر دیلیمدن آی قیز
دالمیشام نغمه نه یئنه بایاقدان
آلمیسان نغمه می الیمدن آی قیز
ائله بیل دئییر کی قوپان بیر صدا
“گرک داش اولمایا اورک لریمیز
دیوار آرامیزدا داشدان اولسا دا
بیر واراق ائیله یک ایکی قلبی بیز.”
سوسورام اؤنونده او شعریتین
اوره ییم دولسا دا آغ قالیر کاغیذ
قلمسیز کاغیذسیز ایلک محبتین
یازیر نغمه سینی قلبیمه او قیز

About Author

saghi

See author's posts