نه گؤزهلسن آنا وطن
سنسن منه آنا، وطن!
گول چیچکلی باغلارین وار
چوخ ویقارلی داغلارین وار
تاریخینه وورغونام من
شهریارام، وورغونام من
قوینوندا بسلهدین منی
چوخ سئویرم منده سنی
وطن، وطن، جانیم وطن
داماردا آل قانیم وطن!
سن آنامسان همده آتام
نئجه اولار سنی آتام؟
عشقین اولوب منیم جانیم
فخرین اولوب آدیم، سانیم
شرف، غئیرت کانی وطن
سئومهیهنین هانی وطن؟!
قوینوندا بسلهدین منی
اونوتمارام بیر آن سنی
وطن، وطن، جانیم وطن
داماردا آل قانیم وطن!
پست های مرتبط
عرفانی دویغو
بایاتی
ادب ساحه سینده