گؤزه گؤرونمز

داها یورولموشام جیریغیم چیخیب
یورقان تک سؤکولوب سیریغیم چیخیب
قیریق قیریق اولوب قیریغیم چیخیب
یئتیش فریادیما گؤزه گؤرونمز
***
قار یاغیب باشیما ساوالان کیمی
داشقین سئله دؤنوب گؤزومون نمی
الی یاشدا بیر آن گؤرمه دیم دمی
یئتیش فریادیما گؤزه گؤرونمز
***
داها ایتیرمیشم یولو یوندامی
سن جوزولدت اوجاغیمدا بیر شامی
دادیم وارلیغیندان لذتی تامی
یئتیش فریادیما گؤزه گؤرونمز
***
نئیلیم نئجه ائدیم قالمیشام ناچار
سانکی وارلیغیما قورولوبدور دار
فیکیر چکن سن سن « کیوان » اوچون یار
یئتیش فریادیما گؤزه گؤرنمز

About Author

saghi

See author's posts