یازیرام

زامان آخدی آرامسیز
باهار گلدی یاز کئچدی
تؤکولدو گؤزلریمدن
کۆر گلدی آراز کئچدی
یوم دئییر گؤزونو یوم
اجل عؤمره سون هجوم
باطیل اولدو اوروجوم
قیلدیغیم ناماز کئچدی
ایلی اوزون آیی بول
گؤز یاشی‌نین چایی بول
یامان گونون پایی بول
یاخشی گونوم آز کئچدی
شوملادیلار شوم اولدو
سوووردولار قوم اولدو
یومشاتدیلار موم اولدو
عؤمور ناتاراز کئچدی
حاقدان خئییر یازیرام
تانری دئییر یازیرام
گؤردو شئییر یازیرام
اؤلوم مندن واز کئچدی

About Author

saghi

See author's posts