خومار اولدو گؤزوم
مست اولوب، باده ی ناب آلدیم الیندن یاریمین
یـازمـاغـا شـعـری، کتاب آلدیم الیندن یاریمین
مـنده عادتدی کی مئی ایچمه رم اولمونجا مزه
لـبـلرین، قالمادی تاب، آلدیم الیندن یاریمین!
مست اولوب یار ایله بیرلیکده، خومار اولدو گؤزوم
وصـلـه چـاتـماغا حجاب آلدیم الیندن یاریمین
ال اوزاتــدیم یاریمین شانه ده گولموش تئلینه
اوزو گـؤرسـنـدی، نقاب آلدیم الیندن یاریمین
دئسه لر هاردان، «عزیز»، سرخوش اولوب شعرین، دئه:
ایچمه رم اؤزگه شراب، آلدیم الیندن یاریمین
عزیز حمیدی
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آل‌هاشم
کاریکاتور روز/ کنترل تخلفات ساختمانی در تبریز به کمک پهپاد