قاراداغ

سئوگی سن داماردا، گزن قان کیمین
وئرگی سن اۆره کده، دؤین جان کیمین
گؤزللیک تختینده بیر خاقان کیمین
اؤز حؤکمون سۆرمک ده، سؤزون قاراداغ
***
عاشیقلار سازیندا قوُرولان یوْلسان
ماهنی دا، شئییرده، دورولان یوْلسان
داغلارین قوْینوندا بورولان یوْلسان
یوْرولماز یوللاردا، دیزین قاراداغ
***
کلئیبر بیر اۆزوک، قاشین دیر سنین
اهرین «شهاب»لی باشین دیر سنین
سۆنگونون قیزیلدان داشین دیر سنین
یازیق لار، اوْلمادی سیزین قاراداغ
***
قارتاللار یوردوسان، گؤزون اوْو توتان
ارله رین مئیدان دا تای سیز دوْو توتان
قوْچاقسان اؤزونو، ده لی سوْو توتان
قوْی اوْلسون یاشامین اوُزون قاراداغ
***
بولاقلار بئشییی اۆره یین ده دیر
داغلارین کئشییی کۆره یین ده دیر
برکت یئشییی چؤره یین ده دیر
یالانیر دیللرده، دوُزون قاراداغ

About Author

saghi

See author's posts