مسیحی کیشی

امام باقر، مجمد بن علی بن الحسین (ع) حضرتلری نین لقبی « باقر » دیر. باقر یعنی: « آچان » . او حضرته « باقر العلوم » دئییردیلر ، یعنی: بیلیم لری آچان.
مسیحی بیر کیشی بو کلیمه نی مسخره یه و لاغا قویوب، اونو « بقر » دئدی. یعنی: « اینه ک ».
او حضرته دئییردی: « انت بقر » ! یعنی : سن اینه ک سن!
امام(ع) عوض اینکی ناراحت و عصبانی اولسون یوموشاقلیق ایله بویوروردو: « من بقر دئییلم ، باقرم »
مسیحی: سن بیــر قادینین اوغلوسان کی او قادین یئمه ک پیشیرن ایدی.
امام(ع): اونون ایشی اوئیدی اوتانماغی یــا عار ائتمه گی یوخدور.
مسیحی: آنان قارا ، شرم سیز و قولای دانیشان ایدی.
امام(ع): اگر بو سؤزلر کی دئییرسن منیم آنامین حاققیندا دوز اولسا ، ایسته ییرم تانری اونو باغیشلاییب گوناهیندان گئچسین.
و اگر سن یالان دئییرسن ، تانری سنین گوناهیندان گئچسین کی افترا و یالان دئـدین!
بیــر بئله یوموشاقلیق و آغیرلیقی گؤرمه ک بیر کیشی دن کی ائلییه بیلردی افترا دییه نی هر جوره اینجیتسین ، او مسیحی کیشی نین ایچَه ریسینده دَییشیکلیک یاراتدی و اونو ایسلام دینینه ساری چکدی.
و او کیشی سونرا موسلمان اولدو.

About Author

saghi

See author's posts