یئمه لی لرین خاصیتی

بهار نارنج

« بهار نارنج » نارنج آغاجی نین آغ گوللرینه دئییلیر کی یاز چاغیندا چیچکله نیر . بو بیتگی حاققیندا ، ده یه رلی خاصیتلره ایشاره اولور:
– بهار نارنج عراقی ایستی لیک دیر.
– « ب،ث،د » ویتامینلری بهار نارنج ده چوخدور .
– بهار نارنج ، بدنین عصبی اوچون داوا درمان دیر.
– قورخونو و یوخوسوزلوغو آرادان آپارار.
– « میگرن » کیمی باش آغریلارین آزالدار.
– اعصابین ضعفین آرادان آپارار و شنلیک یارادار.
– یوخولاری نظم دن چیخان کس لر ، یاتماقدان قاباق، بهار نارنج عراقی چای ایچینه تؤکوب مئیل ائتسینلر. اگر ایکی ساعات یاتماقدان قاباق ایچیلسه یوخو دینج اولار.
– بهار نارنج عراقی ، غم و بئکئفلیگی آرادان آپارار.
– بهار نارنج آغاجی نین گولونون دمله مه لیسی ، اعصاب قولونجلاری اوچون فایدادیر.
– بهار نارنج، اوره ک دؤیونتوسون و قورخونو آرادان آپارار.
– بهار نارنج مورابباسی معده اوچون فایدادیر و تشنّجی آرادان آپارار.
– بهار نارنج عراقی ، گوجلو اشتها آچاندیر.
– سینه آغری سین آلار.
– بهار نارنج شربتی ، اوره ک ناخوشلوغونون خطرین آرادان آپارماق اوچون و تشنّج ناخوشلوغونون قاباغین آلماق اوچون فایدالی دیر.
– بهار نارنج، دالاغین بؤیومه گی نین قاباغین آلار و اگر کرفس سویو ایله بیرگه ایچیلسه مثانه و بؤیره ک داشین سالماق اوچون فایدادیر.
– غش ناخوشلوغونا درمان ائتمه ک اوچون ، بهار نارنج عراقی یاخشیدیر. آنجاق بیر شوشه اوندان ائوده اولماق لازیمدیر.- بهار نارنج عراقی معده نین کؤپمه ک آغریسین آلار.
یای فصلی نین ایستی گونلرینده بدنین سویو آزالیر و چوخ آداملارین خویلاری دَییشیلیر . بو حالتین قاباغین آلماق اوچون یاریم لیوان بهار نارنج عراقی ، یاریم لیوان سویا قاتیب و ایکی پارچا بوز سالیب ، بیر قاشیق سکنجبین شربتیله بیرگه مئیل ائدین!
– غذانین یاخشی هضم اولماغی اوچون و معده ناراحتلیگین آرادان آپار ماق اوچون ، چای ایچینه بهار نارنج عراقی تؤکوب ایچین!
– بو یئمه لی ده ، « آنتی اوکسیدان » چوخدور و خطرلی ناخوشلوقلارین قاباغین آلماقدا فایدالی دیر.
– حسّاسلیغین قاباغین آلار، سرطانین دوشمانی دیر و بدنین گوجون چوخالدار.
– پئشاب گتیره ن دیر.
– قادینلاردا ، عادت آغری سین آزالدار
– داماردا ، قانین دولانماغین چوخالداراق ، قانین فیشارین نظمه سالار.
– « یبوست » ناخوشلوغو اولانلار بهار نارنج سویون بال ایله شیرینله دیب ایچسینلر.
– بهار نارنج سویو دَری نین منفذ لرین باغلایار.- بهار نارنج بخورو اوزون دَریسین ایشیقلاندیرار.
– بهار نارنج شربتی باش گیجه للنمه نین قاباغین آلار.
– بهار نارنجی اییله مه ک سویوق دَیمه نین فایداسی دیر.
– ائشقیراغین قاباغین آلماق اوچون بهار نارنج دمله مه سی فایدادیر.
– لاپ یاخشی قاتیشیق ایچمه ک اوچون یای دا ، بهار نارنج عراقی ، سو و گلاب دیر.
*
بهار نارنج چایی نین نئجه جورله مه سی:
بیر قاشیق بهار نارنج دَمکئشه تؤکوب ، هشتاد درجه ایستی سی اولان سو اونا آرتیریب، دؤزه ریک ییرمی دقیقه دم آلسین. ایسته سه ز شیرین اولسون نبات یا بال وورون.
بو چایی مئیل ائتمه کله دینج یاتارسیز!
*
آییق اولون:
– بهار نارنج عصاره سی قانین فیشارین قالخیزار و اوره گین دؤیونتوسون چوخالدار. آنجاق اوره ک ناخوشلوغو اولانلار چوخ مئیل ائتمه سینلر.
– بویولو و سوت وئره ن قادینلار، بهار نارنج یئمه کده احتیاط ائتسینلر.
– بهار نارنج عراقین حدّدن چوخ ایچمه ک یوخوسوزلوق گتیره ر .
– بهار نارنج عراقی تئز خراب اولار. ایشیقدا ساخلامایین.
قایناق: اینترنت/هفت گنج
چئویره ن: الف.عظیمی بیلوردی

About Author

saghi

See author's posts