بایاتی

گول تبـریــز ، قوْنچا تبریـــز
بزه­کلـی خــوْنــچـا تبـریـــز
زیـارتـه گـَلمیــشــــه م
گـَزیم دوْیــونـجا ، تبــریـــز
***
عـزیزینم بیل یاخشی
گؤزلرینی سیل یاخشی
دوزدور، قیلینج برک کسه ر
کسمک اوچون دیل یاخشی
***
آشنا گلدی یاد گئتدی
یاد بورادان شاد گئتدی
گولوردوم، گولدوروردوم
آغزیمدان او داد گئتدی
***
قیزیل گولم ده ر منی
کؤلگه یئرده سه ر منی
گئده ن اولسا پای کیمی
دوستلارا گؤنده ر منی
***
داغلارین قاری قالدی
باغیمین باری قالدی
شاخـتـا ووردو باغیمی
حئیواسی، ناری قالدی

About Author

saghi

See author's posts