عشق

آرزيم دي كؤنول كوفريدن ايمانه دولانسين
شهري اؤتوروب چؤل لري ديوانه دولانسين
ديدار نيگاره اولا لايق اؤزي هر آن
جان دان ال اوزوب كعبه ی جانانه دولانسين
قورخوتما مني يول دا اولان درد و بلا دان
عشق اهلي گرگ صحنه ده مردانه دولانسين
عشق آتشينه يانمايان عالم ده نه بيلسين
عاشيق نيه اطراف او كاشانه دولانسين
شمع رخِ جانان او قَده ر شعله لَنيبدیر
قارشين دا گونش سايه لَه نيب يانه دولانسين
كؤنلوم قوشون اينجيتمه اوچوب گئتمز عزيزيم
دايم گرگ اطراف بو ايوانه دولانسين
گل قادان آليم سرو چمن اي مه تابان
شمعون باشينا قوي گئنه پروانه دولانسين
سن بيلمه منه بيرده روا اي گؤزل الله
آيدين اورگيم هيجريده ال قانه دولانسين

About Author

saghi

See author's posts