ایسته ک

عیسی(ع) حضرتلری حواریون لارا بویوردو: منیم بیر حاجت و ایسته گیم واردیر ، اگر قول وئریرسیز اونو یئرینه یئتیره سیز ، دئییم!
حواریون دئدیلر: هر نه امر قیلسان اطاعت ائده ریک.
عیسی(ع) حضرتلری یئردن قالخیب اونلارین آیاقلارین بیر بیر یودو.
حواریون اؤزلریندن اینجیکلیک احساس ائتدیلر. آمما چون سؤز وئرمیشدیلر کی حضرت نه بویورسا بویون قاچیرتمایالار ، باش ایدیلر. و عیسی(ع) هامیسی نین آیاغین یودو . ایش قورتولاندان سونرا حواریون دئدیلر: سن بیزیم اوستادیمیزسان! دوزو بو ایدیر کی بیز سنین آیاقلاریوی یووایدیق نه سن بیزیم آیاقلاریمیزی!
حضرت بویوردو: بو ایشی بونا گؤره گؤدوم کی سیزه دوشوندوره م تا بیله سیز کی هامی دان یاخشی بیر کیمسه کی ائللره قوللوقچولوق ائتمه گی
بوینونا آلیر « عالیم » دیر.
بو ایشی گؤردوم تا آلچاق کؤنوللوک ائده بیله م.
و سیز آلچاق کؤنوللوگو اؤرگه شه سیز! و مندن سونرا کی ائل ایچینده یول گؤرسه تمه گه و اؤرگه تمه گه باشلایاجاقسیز، اؤز یول یؤندمیزی آلچاق کؤنوللوک
ده و ائللره قوللوقچولوق ائتمه کده گؤره سیز !
کؤکوندن ، حکمت ، آلچاق کؤنولوک ایله بوُی
آتار نه قیافه ساللاماق ایله ، نئجه کی بیتگی
چؤلون یوموشاق یئرینده بیته ر نه داغلارین
بَرک یئرینده!

About Author

saghi

See author's posts