بير گون ييیه ميزين حيه طينه، تارلادان تازا بيچيلميش بوغدا گتيريب تؤكدولر. بيز بوغدالاري يوخ اونون ايچينده كي اينجه قوردلاري برك سئويرديك. اونا گؤره ده آرادا ييیه‌ميزين گؤزونو اوغورلاييب بوغدايا حمله ائديب قارنيميز دولو قورد يييه رديك بوغداني دا دارماداغين ائدرديك.
گون اورتا چاغي هاوا ايستي ايدي بيز كوللارين ديبينده كؤلگه ده دينجه‌لمك ده ايديك. ييیه ميزين قورخوسوندان بوغدايا ياخينلاشا بيلميرديك. ييیه ميز ناهار يئييب دينجه لمه يه ائوه دؤندو. بيز سئوينيب بيربيريميزه خبر وئرديك . بوغدايا ساري گئتمك ايسته ييرديك كي ييیه ميزي گؤردوك كي يانيندا بير آدام ساياق (سونرا بيلديم اونون آدي قوش قووان ايميش ) قاييتدي بوغدايا ساري . آدام ساياغي قويدو بوغدانين اورتاسيندا اوزو ائوه گئتدي. اولدوقجا حاليميز پوزولدو. او دوغروداندا قورخولو ايدي. بيز قورخوموزدان بوغدايا ساري بيرجه آدديم دا آتا بيلمه ديك. گؤز آلتي آدام ساياغا باخيرديق.
بير نئچه دقيقه سووشدو او نه ترپه‌نيردي نه ده كي اوندان بير سس چيخيردي.
بوغدانين ايچينده قيميلدايان قوردلارسا گوجلو ماقنيت كيمي بيزي اؤزونه ساري چكيردي. ياواش- ياواش بوغدايا ياخينلاشديق اوره ييميز يئريندن چيخيردي. آنجاق قوش قووان يئرينده دونوب قالميشدي. بيز ائله دوشوندوك او بيزي آلدادير. ايسته يير ياخينلاشديقدا بيزي بيردن دوتا يادا وورا. بونودا بير-بيريميزه يئتيرديك.
بو آندا بير قوش گليب قوندو اونون تپه سينه.بير آيري قوشدا قوندو اونون چيگنينه او بيري ايسه قولونا بير آيريسي قوندو دوز آياغينين قاباغينا باشلادي ائشينمه يه. بيز اوره كله نديك بوغدايا ياخينلاشديق قيراقلاريندان بيرنئچه قورد تاپديق آدام ساياق هله ده سس سيز – حركت سيز قالميشدي. گئتديك بوغدانين اورتاسينا دويونجا قورد يئديك سونرا آتيلديق اونون باشينا چيگنينه قوللارينا چيخدیق. اونو ديمديكله ديك ها ديمديكله ديك.
آي اويناديق اوگون …..آي اويناديق
About Author
پست های مرتبط
عرفانی دویغو
بایاتی
ادب ساحه سینده