بایاتی

بویان باغچا اویان گول
یاتماگیلان اویان گول
اؤپوم او گؤزلریندن
سن یوخودان اویان گول
***
خنجری ایشله یوللا
اوستون گوموشله یوللا
منه بئش آلما گؤنده ر
بیرینی دیشله یوللا
***
حـئـیـرانیـن یوللاریندا
بند اولدوم یوللاریندا
بیر جوت قولباغ اولایدیم
یـاریـمـیـن قوللاریندا
***
عزیزیم قازان آغلار
اوت یانار قازان آغلار
غربت یئرده اؤله نین
قبرینی قازان آغلار
***
عزیزیم یانا گلدی
غمله یان یانا گلدی
قالدیم غصّه آلتیندا
گول جانیم جانا گلدی
***
من عاشیقام هر آیلار
هر اولدوزلار ،هر آیلار
بوردا بیر گول بیتیبدیر،
سوسوزوندان هارایلار.
***
من عاشیقام هر آیلار،
هر اولدوزلار هر آیلار،
باشیم جلاد الینده ،
دیلیم سنی هارایلار.
***
عزیزیم آی، گول أللر،
آغ بیله کلر ، گول أل لر،
دریـاجـا عقلین اولسا ،
یوخسول اولسان گولر لر

About Author

saghi

See author's posts