بایاتی

ایچین ایچین آغلادیم
کؤنلومه کؤز باغلادیم
سـئـودالار اوجـاغـیندا
اوره گـیـمـی داغلادیم
***
گوزگویه م سیندیریرلار
کـیـتـابـام یـاندیریرلار
آتـالار اوجــاغــیـیـام
سو سه پیب سؤندورورلر
***
عزیزیم یاز گتیرسین
گولوشون یاز گتیرسین
یـئـل گـلـنـده بـویانا
بیر مکتوب یاز گتیرسین
***
سحرلر خوروز بانلار
کیم اونون دیلین آنلار؟
هارایلار عؤمور کئچدی
دورون غافیل اینسانلار
***
ساقی ایاق ایستیرم
گؤزدن ایراق ایستیرم
ظولمات ایچینده قالدیم
مئی دن چیراق ایستیرم
***
آل گئیینیب لاله لر
الده وار پـیـیـاله لر
داغلارین گؤز یاشیدی
گور آخان شلاله لر
***
اؤتور هفته لر آیلار
گلیر هایلار هارایلار
هاردا خانلار سولطانلار؟
هانی یوکسک سارایلار؟
***
آغلایان چوخ گولن آز
گؤز یاشینی سیلن آز
کؤنول تانری ائویدیر
بو چیچه گی بیلن آز

About Author

saghi

See author's posts