بیر نفر امام زین العابدین(ع) حضرتلری نین قوللوغونا یئتیشیب اؤز یاشاییشیندان شکایت و ناراضیچی لیق ائتدی.
امام(ع) بویوردو: آدَمین بیچاره اوغلو، هر گون اوچ مصیبت ایله ال به یاخا اولور و هئچ بیریندن ده پند و عبرت آلماییر. یوخسا اگر عبرت آلسا دونیا و اونون آغری لاری آسان گله ر .
اول مصیبت بودور کی ، هر گون عؤمروندن آزالیر . اگر واریندان – مالیندان زیان گؤرسه کئفی پوزولور . بیر حالداکی مومکوندور وارلیق سونرا گئنه یئرینه قاییتسین آمما کئچن عؤمورو قایتارماق اولماز.
ایکینجی مصیبت بودور کی ، هر گون اؤز روزی سین یئییر بیر حالدا کی حلال اولسا اونون حسابین وئرمه لی دیر و حرام اولسا کئیفرین گؤرمه لی دیر.
سونرا بویوردو: اوچونجوسو بونلاردان دا یئتگین دیر.
دئدیلر، او نه دیر؟
امام بویوردو : هر گون کی قورتولور بیر آددیم اؤلومه یاخینلاشیر آمما بیلمه ییر کی بهشته ساری گئدیر یا جهنّمه ساری.
سونرا بویوردو: آدامین عؤمورونون لاپ اوزون گونو ، او گوندور کی آنادان اولور . بیلیم باشچی لاری دئمیشلر بو سؤزو امام سجّاد (ع) حضرتلریندن قاباق ، هئچ کیم آغزینا گتیرمه ییبدیر.
About Author
پست های مرتبط
عرفانی دویغو
بایاتی
ادب ساحه سینده