ابن شهر آشوب، روایت ائدیر:
امام حسین(ع) حضرتلری بویوردو: ناماز قیلاندان سونرا ، أن یاخشی ایش ، اوره ک سئویندیرمک دیر، بیر حالداکی گوناه دان بری اولسون.
من بیر گون بیر قوللوقچی گؤردوم کی ایتی ایله خوره ک یئییردی ، اونون سببین سوروشدوم دئدی: یا بن رسول الله(ع)! منیم اوره گیم دوتولوبدور، ایسته ییرم اونو سئویندیره م بلکه اونون سئوینمه گی منیم اوره گیمین آچیلماغینا و شادلیغیما سبب اولسون، چون بیر یهودی صاحابیم واردیر اونون الیندن قورتولماق ایسته ییرم.
حضرت بو سؤزی ائشیتجه ک او یهودی نین یانینا گئدیب بویوردو: ایکی یوز دینار قیزیل وئره رم ، قوللوقچیوی منه ساتاسان! یهودی دئدی:
من قوللوقچیمی سنین آددیملاریوا کی زحمت چکیب منیم ائویمه گلیبسن، فدا ائتدیم، و بو بوُستانی دا اونا وئریرم .
حضرت بویوردو: مالی سنه باغیشلادیم، یهودی دئدی: قبول ائتدیم و قوللوقچی یه باغیشلادیم.
حضرت بویوردو: قوللوقچینی آزاد ائتدیم و مال لاری دا اونا باغیشلادیم.
یهودی نین آروادی دئدی: من موسلمان اولدوم و کَبینیمی ده أریمه باغیشلادیم. یهودی دئدی: منده موسلمان اولدوم و بو ائوی آروادیما باغیشلادیم.
About Author
پست های مرتبط
عرفانی دویغو
بایاتی
ادب ساحه سینده