سنسیز بولاغه دؤندو گؤزوم غصّه دن، تویوق
یاندیردی آیریلیق منی، یانسین دَدَن، تویوق
اغیار سوفراسین بزه دین هر ناهار- شام
هئچ توتمادین سوراق بیزیم سوفرادن، تویوق
مجنون اونوتسا لیلی نی، فرهاد دا شیرینی
هئچ واقت اونوتمارام سنی بیر لحظه من، تویوق
ناز ائیلمزدی خسرووا شیرین گولبدن
اولسایدی بوشقابیندا بودون یا سینه ن، تویوق
مجنونا یالواراردی او لیلای سنگدل
گر سوفراسیندا سن ائله یه یدین وطن، تویوق
یاد اولسون او زامان کی، گلردین بیزیم ائوه
خوشحال ائدردین عاشقی گه- گاه سن، تویوق
افسوس …! اوندا کی، کوپن ایله وئریردیلر
بیز قدرینی بیلنمه دیک، ای گولبدن تویوق
واردیر یادیمدا بیر دؤنه سوبسید ده وئردیلر
اولدون نهان اوگون داها هر دیده دن، تویوق
آخیر سؤزوم بودور سنه، ای یار بی وفا:
گل وورما جانه آتش درد و محن، تویوق
گر گلمه سن بیزیم ائوه، من قارقارام سنی
تعدیل بلاسینا گلر آخیرده دن، تویوق
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد