ساتیرا

مرحبا مخابراتا…!

مخابرات شركتي
چوْخ سئوير بو ملتي
تئز- تئز قطع- وصل ائدير
كي، آرتيرسين اُلفتي!
***
ياشاسين مخابرات
اوْندان ممنونام قات- قات
قطع- وصلي‌ايله قوْيمور
قاينانام‌دا خوْش اوْقات!
***
احسنت بئله شركته
خدمت ائدير ملته
تك قبضي تئز- تئز گلير
ماشاء‌ا… بو سُرعته!
***
تلفن‌لار اوْلماز خراب
ايش‌ده وار حساب- كتاب
مريوانا زنگ وورسان
نخجوان وئره‌ر جواب!
***
ثابت اوْلسون يا همراه
توك‌جه ائتمه‌ز اشتباه
سن «به‌به» سؤيله‌ينده
طرف ائشيدير: «واه، واه»!
***
سؤز قوْشوب، سالمايين چوْو
هر بير ايشي نوْو- به نوْو
بير نفره زنگ وورسان
يوز نفر دئيه‌ر: «اَلوْو؟!»
رحمتلیک – حمید آرش آزاد

About Author