یئمه لی لرین خاصیتی

هئشترخان (بوقلمون)
أتی نین فایدالاری

هئشترخانین دؤشونده آغ و آز یاغی اولان اَت واردیر و بودلاری نین دا اَتی قیرمیزی و قارادیر.
چوخ آداملار هئشترخان اَتی نین خاصیتین بیلمه ییرلر. اگر سیزده بو اَتین فایدالارین و زیانلارین بیلمه ک ایسته سه ز بو یازینی اوخویون!
هئشترخان اتی نین چوخ خاصیتلری واردیر کی ده یه رلی لری بونلاردان عبارتدیر:
– هئشترخان اَتی نین یاغی آز و پروتئینی چوخدور .
– بو نوع اَت ده دَمیر ، روُی ، فوسفور، پوتاسیوم و « ب» ویتامین لری چوخدور .
– بو اتین خاص بیر بافتی واردیر کی پیشه ندن سونرا تیکه لری کیچیلمه ییر و باشقا قیرمیزی ات لرده باخاندا زیان یئتیره ن یاغی آزدیر. و«ب ، آ » ویتامین لری چوخدور .
– هئشرتان اَتی ، مخصوصاً قیش فصلینده ، اوشاقلار و قوجالار اوچون فایدالی دیر.
– آسید آمینه سی واردیر، و بدنین سمّ لرین یوماقدان اؤترو « کبد » ایشینه یاردیم اولور.
– یوز اللی گرم هئشترخان اتی، بدنین گونده لیک ایسته دیگی « اسید فولیک » ین یاریسین یئتیریر و همیده پروتئین، سلنیوم، روُی، پوتاسیوم، « ب » ویتامین لری و تریپتوفان قایناغی دیر.
– هئشترتان اتی قانسیز آداملار اوچون فایدادیر.
– سرطان ناخوشلوقلاری نین قاباغین آلار.
– اعصاب اوچون فایدا و بدنده دینج یاراداندیر.
– بدنین داوامین چوخ ائده ر .
– « تستوسترورن » هورمونون بدن ده بیر حالدا ساخلار.
– یوخوسوزلوق اوچون فایدادیر.
– سوموگون پوکالماغی نین قاباغین آلار و قیرمیزی گولبول لاری قاندا چوخالدار.
– یوز اللی گرم هئشترخان اتی بدنین یاری «اسید فولیک» ین یئتیریر و لازیم اولان قده ر فایدالانماق سوت وئره ن قادینلار اوچون یاخشیدیر.
– هئشترخان اتینده فوسفور و پوستاسیوم اولدوغونا گؤره ، اوشاقلار اوچون چوخ فایدادیر.
– کبدی یاغلی اولانلار اوچون فایدادیر.
– « دیابت » ناخوشلوغو اولانلار کی چوخ یاغلاری یوخدور ، هئشترخان اتی یئمه کدن قورخماسینلار.
– آییق اولون: هئشترخان اتی نین یاغی واردیر . آنجاق یاغی چوخ اولان آداملار بو اتی یئمه سینلر.
– اگر هئشترخان و تویوقون دؤشون توتوشدورساق: تویوق دا پروتئین هئشترخاندان چوخدور و عوضینده ده تویوقدا ( دَری سیز ) یاغ چوخ آزدیر. اونا گؤره یاغی چوخ اولانلار تویوق اَتی یئسه لر ، هئشترخان اتیندن یاخشی دیر.
– فیشاری و یاغی اولانلار هئشترخانین دؤش اَتیدن مئیل ائتسینلر . چون او قسمت لرین یاغین آزدیر.
– دئمه ک اولار هئشترخانین چوخ یاغی دَری سینده دیر، ائلییه بیله رسیز پیشیرنده اونون بوتون دَری سین سویاسیز.
*
هئشترخان اَتی نین زیان لاری:
– هئشترخان اتی نین یئمه ک ده یه ری تویوق دان آزدیر . اونو یئمه ک اوره ک ناخوشلوغو اولانلار اوچون یاخشی دئییل.
– بؤیره ک داشی اولانلار هئشترخان اَتی یئمه کده گؤزله سینلر و آز مئیل ائتسینلر.
– « نقرس» ناخوشلوغو دوتانلار آز یئسینلر.
– یاغی چوخ اولانلار ، اونون آغ اتیندن فایدالانیب و آز یئسینلر.
قایناق: اینترنت/هفت گنج
چئویره ن: الف.عظیمی بیلوردی

About Author