ساز یئـری

یارالی ســـــــــینه م دن بیراز آز یئــری !
قوی قالسین بیر چیمدیک آغ کاغاز یئری
سنین دوداغینــــــدا ماهنی گؤیرسه
منده کؤهله نیب دیر مین آواز یئری
کوکسیمده قالسادا سئگاهلار یئتیم
هله سیزیلداییر دیل ده ، ساز یئــری
اولما قیتلیق توره نه جک جانیما …
یانیقلیق گؤیه ردیر چوخ بویاز یئری
آیریلیق سولاری قورویان دئییــــل
قاسناغسیز یارا دی خان آراز یئری
یئنه وار گوزومده داردان آسیــلیب
دوه لر قوینوندا آل قوتاز یئــــری
قارا – قوروم آلیب هنده ورینـــی
اودور آغیر کئچیر سنه یاز یئری…
بیز یادیق وطنده چوخ وطن دئمه
بیزه کی یئتیشمیر بیر پالاز یئری!
یعقوب نیکزاد

About Author

saghi

See author's posts