شعر

بیلمه یه جکسن!

عشقین ائله سه عالمی قان بیلمه یــــه جکسن
یوز دفعه دئسه م مطلبی قان،بیلمه یه جکسن
باخ سینمه! مین یــــاره ووروب تیر نگاهین
افسوس کی ای قاشی کمان! بیلمه یه جکسن
آخیر کی قوجالتدی منی درد و غم و عشقین
پیر اولماسان ای تازه جوان! بیلمه یه جکسن
بی مهــرسن عالمده رخ آلینـــــــه حسرت
وئرسمده اگر هیجرده جان ، بیلمه یه جکسن
مجنون کیمی زنجیـــر ســر زولفونه باغلی
اولسام داهـــــا رسوای جهان بیلمه یه جکسن
دوتسام گؤزه لیــــــم دامنینی اینجیمه مندن
نئلیم کی دئسه م گئتمه دایان،بیلمه یه جکسن
کویوندا گؤزوم یاشینی ، یوز یـول ستمیندن
ائتسه م اوزه ای سرو روان بیلمه یه جکسن
سرّ لبینی دیل ده نهان ساخلادیـــم ائلدن
فاش اولمایــــــا بو راز نهان بیلمه یـه جکسن
شوق دهنین واحدی محو ائیـــلسه هــر گاه
اوندان یئنه بیـر نام و نشان بیلمه یه جکسن!
علی آقا واحد

About Author

saghi

See author's posts