مـنیم سـاقی مسـتانیم عـلی دیر
منیم عؤمروم، منیم روح و روانیم
مـنیم مـرغ سـخندانیم علی دیر
منیم عرشیم، منیم فرشیم اودور او
مـنیم مـهر فـروزانـیم علی دیر
منیم لوح و قلم، کرسی سریریم
منیم اورنگ کیوانیم علـی دیر
منیم عودوم، منیم رود و سرودوم
منیم هم راح ریحانیم علی دیر
منیم بزم نشاط و عیش و نوشیم
مـنیم شـمع شبستانیم علی دیر
مـنیم جام می و نقل و کبابیم
مـنیم سالار ایـوانیم عـلی دیر
مـنیم مُلـکیم، منیم مال و منالیم
منیم هر حکم و فرمانیم علی دیر
منیم تختیم، منیم طاق و رواقیم
مـنیم بـانی و بـنیانیم علی دیر
منیم ایزیم، منیم برق جهنده م
مـنیم رعـد خـروشانیم علی دیر
مـنیم لـعلیم، مـنیم دُرّ خوشابیم
منـیم بـاران نـیسانیم عـلی دیر
او شـهبازین اسـیری مرغ جانیم
منـیم شاهین و طرلانیم علی دیر
زمـرّددن زبـرجـددن دم اورمه
منـیم دریـای عـمّانیم عـلی دیر
دئییر دائم دیلینده خان چوبانی
منیم هر درده درمانیم عـلی دیر
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد