ناله

باخیرام هر طرفه ناله دمادم گؤروره م
توتورام چنگیده هر پرده نوا بم گؤروره م
عالمین سئیرینه هر لحظه ده مشغول اولورام
اژدهالرده خیانتلی آچیق فم گؤروره م
هانسی باغدان کئچیره م بولبول ائدیر ناله و آه
بوتون اینسانلاری گیریان ائله یه ن غم گؤروره م
نییه دونیانی بو ظولمت بورویوبدور یا رب؟
سانکی دوشموش گؤزومون هر جوتونه تم گؤروره م
ائله بیل بخت کؤسوبدور یئنه منده ن اوزاشیب
گونشین اوسته قدم قویسام اگر نم گؤروره م
« اودمان» هر ناکسه دل وئرمه کی قارشیندا سنین
فیتنه لر دالغالادان قورخولو بیر یم گؤروره م

About Author

saghi

See author's posts