هاردا گؤرسن سارالان گول ، منی جئیران! یادا سال
ییخیلان پهلوانا ، آغلاســــا دوشمان ، یـــــــادا سال
سنین عشقینده دیزیـــــــــم توشدو تواندان ، اؤلورم
هاردا گؤرسن کی توشور، آرخا بیر اوغلان، یادا سال
اویانیب گؤرسن اگــــر ، کؤچدو لَه لَه ، یوردو بئکار
گؤزلرین گزسه ولی ، تاپماسا کروان ، یــــــادا سال
داغـــدا – داشـدا ، نــــه بیلیــم ، عینالیــدا – آینالیــدا
قانا گؤرسن بله شیبدیــــــر بالا طــــرلان ، یادا سال
هاردا گؤرسن ، وورولـــــــوبدور مارالین گؤزلرینه
اوزانیب اؤلسون آجیندان ، ایگید اصلان ، یـادا سال
سئوگیلین گؤرمک اوچون، گئتسه یولون آزجا یئیین
کؤرپونون اوسته ،کوسوب دؤنمه سه فرمان، یادا سال
دوشمانین خیمه سینه ، باشچی اؤز اوغلون گؤرســه
قوشونون ، وئرسه الیندن قوجا سروان ، یــــــادا سال
کیمی گؤرسن کی طبیب ، یازدی یاواش دان آپارین
فایدا وئرمه ز بونا ، بوندان بئله درمان ، یـــــادا سال
گؤزلریم قالدی الینده ، گئجه – گوندوز بیــر عؤمور
یولچو گؤرسن کی ییغانمیر اله احسان ، یـــــادا سال
بیر سئوه ن اوغلانی گؤرسن کی چیخیر دار باشینا
او گولور ، آمما قان آغلیر دلی قیطان یــــــــادا سال
About Author
پست های مرتبط
عرفانی دویغو
بایاتی
ادب ساحه سینده