تنگ اولور باشيما تك ليك ساري، عالم گئجه لر
بير نفر اولمـــــادي منله اولا همدم گئجه لر
عشقه بيگانه اولانلار نه بيلير كيم نه چكـــــــير
چكمه سين من چكــــــني اهل جهنم گئجه لر
بير منم _ بير بو قلم ، بيرده بو ويــــرانه كؤنول
اوچوموزده گليريك نالــــــه يه باهم گئجـه لر
كيمسه بيلمز اورگـــــــيم سيرريني دونيادا منيم
ياز قلم دورما كي سنســـن منه محرم گئجه لر
يارالي كونلومه گونــــدور وورولان ياره لره
مهربان يار الي ايســـــــــتر قويا مرهم گئجه لر
نه وئرر گوندوزو مهلت منه هيجــــــران ستمي
نه قويار باش يئره بير لحظه قويام غم گئجـــه لر
عشقينه صادق اولان جهديله همـت كمــــرين
درد و غم چكمه يه باغلار بئله محكم گئـجه لر
منده مجنون كيمي زنجيريده گـــؤررم اؤزومو
اوندا كي زولفون اولار گؤزده مجسم گئـجه لر
من چكن غم يوكونو بير گئجه چرخـــــين بئلينه
قويسالار، پشت فلك غمدن اولار خم گئــجه لر
پرده لي قويدو سؤزون “بارز”ه فاش ائيله مه دي
سرّلر اورتويو بو قورخولو مبهم گئــــــجه لر
About Author
پست های مرتبط
عرفانی دویغو
بایاتی
ادب ساحه سینده