یاشیل فضادان بیر تحفه

سلوی

بو بیتگی نین اصل یئری برزیل و آمریکا اؤلکه لری دیر. بیر ایللیک و نئچه ایللیک نوعلاری واردیر. بو بتگی نین بیر ایللیک نوعلارین ائله مه ک اولار اؤز سئودیگی حالدا نئچه ایل ساخلایاق.
سلوی یا مریم گولونون ، یارپاقلاری اوز به اوز باخیر. ائنلی و اوره ک شکیلینده دیر. یارپاقلارین قیراقلاری دیش دیش و اوجو بیزدیر . گوللری سالخیم کیمی دیر و چتیر تکی بوته نی دولدورور .
گوللرین ایکی دوداغی واردیر کی اوست دوداغی آچلیبدیر و آشاغی دوداغی ایکی دیشلی دیر و چوخ آچیلیبدیر. گاهدان رنگی گول کاساسی دوره سینده ، لوله، زینقرو و قیف شکیلینده دیر. براکته لری رنگی و یومورتا شکیلینده دیر. ساقه لری باشدان آیاغا یارپاق ایله دولودور.
بو بیتگی نین بویو ، جور به جور نوعلاریندا اون بئش سانتیمئتیردن دوخسان سانتیمئتیره دک واردیر. گوللرین رنگی نارنجی یه چالمیش قیرمیزی، ارغوانی ، صورتی و آغ دیر.
یای دان پاییزا دک گول وئریر. آلچاق نوعلاری چوخ گول وئریرلر و بونا گؤره بو نوعو چوخ سئویرلر.
بو نوع بیتگی نین یاخشی خاصیتلریندن بیری بودور کی ، ائله مه ک اولار اونو باغ باغچالاردا آغاج کؤلگه سی نین آلتیندا اکیب بئجه ردک.
البته گونه وه ر یئرده ده بئجه رتمه گی نین عیبی یوخودور.
گوجلو و گیرگلی تورپاغا نیازی واردیر. آمما تورپاقدا، آذوت ( نیتروژن ) چوخ اولسا گولو آزالار و اوجالماغا باشلایار.
بو نوع گول توخوم یا پیل وورماق ایله چوخالار.
ایسته سه ک توخوموندان فایدالاناق، گره کدیر ، قاباقجادان گول ائوینده شیتیل ائدیب، سونرا اصل یئره اکه ک ، چون توخومون اؤزون اصل یئره اَکسه ک گول وئرمه گی یوبانار.
گولدان اوچون، نئچه شیتیلی بیر یئرده و بیر گولداندا بزه ک اوچون اکیب ائوده ساخلایا بیله ریک.
سلوی گولو ، خوشا گلیم و سئویملی باغچا گوللریندندیر کی یاشیل فضادا طرح یاراتماق اوچون فایدالی اولا بیله ر .
اوّل ساقه سی گوله دولان چاغدا بیر دؤنه باشین وورماق لازیمدیر. چون اگر اوندا باشین وورساق یاخشی توملاشیب دولار. معمولاً بو بیتگی اوچ آی یاریم یا دؤرد آی ، توخومون اکه ندن سونرا گوله گئدیر.
بو بیتگی یه یای دا ، گونده بیر دؤنه آخشام چاغی سو وئرمه ک لازیمدیر و یاز ، پاییز فصلینده ده ، تورپاغین اؤزو قورودوقجا سو وئرمه ک ، بیتگی نین ایسته یین یئرینه یئتیره ر .
قایناق: اینترنت/
جامع ترین ژورنال گل و گیاه ایران
چئویره ن: الف.عظیمی بیلوردی

About Author