سحر ميخانه اطرافين گزيرديم مست و بى پروا
کى گوردم اوندا ناگه بير عجايب صورت زيبا
مسلسل زلف چيگنينده، مرصع طوق بوينوندا
فرنگى اطلس اگنينده باشيندا معجر حمرا
ملک منظر، پرى پيکر، سخن گستر، وفا پرور
بُت مه رو، گل خوشبو، سوزو شکّر، گؤزو شهلا
سمن رخسار، مشکين مو، شلالين قامتى دلجو
سراسر فتنه و جادو، سراسر شورش و غوغا
گورن ساعتده ذوقوندان يیخيلديم مست و لايعقل
داغيلدى عقل باشيمدان، آليشدى آتش سودا
منى گؤرجک بو حالتده، او سرو باغ دلجويى
گليب يانيمدا اگلندى، الينده ساغر مینا…
نباتى حمد قيل اللهه، مين شکر و ثنا ائيله
کى مجنونون مقاماتين سنه روزى ائديب مولا
حکیم نباتی
About Author
پست های مرتبط
عرفانی دویغو
بایاتی
ادب ساحه سینده